Tagebuch

Nicole goes Australia

22.10.2007

D' Vorbereitigä sind i dä letschtä Züg, also das heisst ämel alles womer zwei Mönät vorher chan organisierä.

Mer stellt sich das immer so eifach vor. So à la Köfferli packä und los gahts! Aber nix da. Zerscht isch s mal drum gangä e Familie z organisierä. Ich han zum Glück e super symphatischi Family gfundä und ich froi mi scho richtig druff sie kännezlernä.

D Familie Isle, nämlich d Caroline, dä Douglas und little Lulu (hmm wiä sie ächt richtig heisst?). S' zweite Baby isch bereits underwägs und wänn ich dunä achumä wird dä oder di Chli scho uf dä Wält si. Ich wirde d Caroline i dä erschtä paar Wuchä mit dä Chind understützä und dänn en Sprachkurs bsuechä. Wohnä tüends in Sydney, gnauer gseit in Rose Bay (Bonzäquartier?).

http://en.wikipedia.org/wiki/Rose_Bay,_New_South_Wales

Also d Family hani organisiert, d Wohnig händ d Jaelle und ich au bereits kündt uf dä 30.11.2007. Sie hät zum Glück au es schöns nois di hei gfundä und wohnt ab em 1.12.2007 mit enerä Kollegin zämme in............! Hmm sie heisst au Nicole, was das ächt bedüte mag.

A derä Stell möcht ich namal erwähne *snif*, dass ich das Jahr mit ihrä mega gschetzt han und ich mega froh bin e sonä Person wiä sie i mim Läbe z ha. Au wänn s nur es Jahr gsi isch, ich beroi kei Minutä i oiserä Chaos-WG. Dankä Jaelle für dini Unterstützig und di unändlichä Gspröchli ufem Balkon oder ich unter dä Tür stehend und du im Bett ligend, hihi. D Buumis wirdi au ganz schön vermissä. Aber wer weiss, villicht füehrts ois ja irgendwänn wieder inä WG-Partnerschaft.

So guet jetzt! Fertig truuret! Schliesslich muessi jetzt vorwärts luegä und ich froi mi ja scho schaurig uf dä Januar, wänn ich dä chaltä Schwiiz dä Ruggä cherä.

Also s züglä und s Wohnig putzä, abgeh etc. staht na bevor, aber au das wärdemer zu gegebener Ziit guet über d Rundi bringä. Sovill mal vorweg.

14.11.2007

Mer sind gad am züglä! No comment!

31.12.2007

Sooo.. ich han dänkt ich sött villicht am letschtä Tag vo dem Jahr na öpis inä schribä. D Wiehnachtä sind durä, all Päckli uspackt und dä ganz Zauber wieder verbi für es Jahr.

Hmmm und hüt dä letscht Tag im Jahr 07. Rückblick.. es turbulänts Jahr mit en huuufä positivä Erfahrigä. S Wohnä mit dä Jaelle, s Irichtä vo dä Wohnig, s Zämeläbe mit em Buumi und em Jango. D Feriä uf dä Maledivä *troim*, s Schäffelä im Floor, woni en huufä noii, lässigi Lüt känneglernt han, d feriä mit dä Mischi uf Elba, Roadtrip Baby.. :-) und schlussändlich min Drang zum mich witerzbilde und d Wält z entdeckä. Ich han min Trip organisiert und dänn häts au scho wieder gheissä Schachtlä packä und wieder us dä Wohnig. Ich dänke gern a diä Ziit zrugg mit dä Jaelle, s isch e schöni Ziit gsi i dä Chaos-WG a dä Glattalstrass.

Sooo, ja und jetzt luegi füre und mini Chnüü zitteret scho rächt wäni dra muess dänke dass ich i genau 3 Täg wirdä im Flüüger sitze. Am halbi 10ni Zabig flügi vo Züri ab über Dubai und Bankok und wirdä dänn am Samschtig 05.01.2008, 08.30 Uhr, Ortszit in Sydney landä. Bizeli hani scho schiss, das isch klar.. nöd z wüsse was mich erwartet und mini Fründe und vorallem mini Familie es halbs jahr nöd z gseh. Aber ich froi mi au und weiss dass ich e gueti Ziit wirde ha und dass mini Kollegä und mini Family di Hei uf mich wartet :-)

Ich wett a derä Stell au mal allne dankä wo mich immer understützet und immer für mich da sind. :-)

Da na es paar Idrück vo dä letschtä Täg i dä Schwiiz. :-)

07.01.2007

Hi there!

Soooo nach 24 Stund Flug, hani s gschaft und bin in Sydney acho. Ich han s perfekt troffe. Es chaent gar noed besser si.

D Family isch extrem nett und es isch alles zimli easy-going :-) S Huus isch de absoluti Hammer... here some photos..

MY BEDROOM

NO COMMENT :-)

BONDI BEACH :-)

LITTLE LULU (Lucinda)

Das isch d Ussicht vom Strand in Rose Bay.. mer gseht d Harbor Bridge :-)

Strand in Rose Bay

eeeem 26. Februar 2008

Ja also isch mer scho fascht es bizeli peinlich. Han mi scho uuu mega lang nueme gmeldet. ;-)

Ich bin momentan zimli bescheftiget, aber moecht oi natuerli au noed vernachlaessige. :-) Mini Wuche isch immer zimli busy. Ich stah am morge am halbi 7ni uf, dusche und am 7ni wacht meischtens au scho d Lulu (Lucinda) uf. Min Job isch es vom 7ni bis am halbi 10ni uf sie z luege (zmorge mache, alegge etc.). Sie isch mer suess, aber chan mengisch au en mega Drache siii. :-) Am halbi 10ni gahts denn ab uf dae bus.... siehe bildli, hehe. Ich mache im moment gad en Business course, isch mega intressant und mer mached recht viel usflueg, goend go Firmene aluege etc. :-)

Sooooo also denn moecht ich eu mal na di ganz Family vorstelle....

dogi allie